Երկու համայնքում ղեկավարի ընտրություններ կնշանակվեն

Կառավարության վաղվա նիստում ՏԿԱԻ նախարար Արմեն Երիցյանը պետք է ներկայացնի Շիրակի մարզի Սալուտի գյուղական համայնքի և Տավուշի մարզի Խաշթառակի գյուղական համայնքի ղեկավարների  լիազորությունները վաղաժամկետ դադարեցնելու, համայնքի ղեկավարի արտահերթ ընտրություն նշանակելու, անցկացնելու և ընտրության նախապատրաստման ու անցկացման ծախսերը ֆինանսավորելու մասին որոշումը:

Բանն այն է, որ Շիրակի մարզի Սալուտի գյուղական համայնքի ղեկավար Սանասար Սաղաթելյանը 2015 թվականի հունիսի 10-ին մահացել է, իսկ  Տավուշի մարզի Խաշթառակի գյուղական համայնքի ղեկավար Հայկ Քամալյանը  2015 թվականի մայիսի 29-ին ներկայացրել է հրաժարական՝ արտերկրում երկարատև բուժման անհրաժեշտության հիմնավորմամբ: