ՀՀԿ-ական պատգամավորը ևս ունի հարցեր նոր Սահմանադրության նախագծի վերաբերյալ

Այսօր ԱԺ ՀՀԿ խմբակցության պատգամավոր Խոսրով Հարությունյանը, լրագրողների հետ զրույցում խոսելով սահմանադրական փոփոխությունների մասին, նշեց, որ նոր Սահմանադրության նախագծով սահմանվում է իրավունքի գերակայության ինստիտուտը:

Պատգամավորի համոզմամբ` նոր  Սահմանադրության նախագիծն ավելի լիարժեք է` նախորդների համեմատ, քանի որ գործնականում տալիս է այն մեխանիզմները, որոնցով հնարավոր է հաստատել օրենքի գերակայությունը:

Նա միաժամանակ նշեց, որ դեռևս բոլոր հարցերի պատասխանը չի տալիս նախագծի նախնական տարբերակը, և որ ինքն էլ ունի հարցեր նախագծի վերաբերյալ: «Հանրության հիմնական մասը կարծում է, որ մեծամասնական ընտրակարգով ԱԺ-ում հայտնվում են մարդիկ, ովքեր խորհրդարան են գալիս` իրենց հարցերը լուծելու համար, բայց ո՞վ կարող է երաշխավորել, որ ԱԺ-ում հայտնվելու նրանց ցանկությունը կնվազի»,- ասաց Խոսրով Հարությունյանը: