Ստերլիգովի դեմ հայց ներկայացնողն իրեն Երուսաղեմի և Լեռնային Ղարաբաղի թագուհի է համարում (ՏԵՍԱՆՅՈՒԹ)

Արդեն հայտնել ենք, որ ռուս միլիարդատեր Գերման Ստերլիգովի նկատմամբ քրեական գործ է հարուցվել: 

Զրպարտության մեղադրանքով հայցը ներկայացրել է Միլանա Գորենշտեյնը, ով իրեն համացանցում անվանում է Երուսաղեմի և Լեռնային Ղարաբաղի Մարիա II թագուհի, Սիրո թագավորության և Տորթի միջազգային օրվա ու Հեքիաթային քաղաքի հիմնադիր. գրում է lifenews.ru-ն:

Նա պնդում է, որ Ստերլիգովն ու Հայրապետյանն իրեն անվանել են «խելառ կին»։ Որպես ապացույց՝ Միլանան ներկայացնում է Ստերլիգովի այդ հայտարարության տեսանյութը։

Պարզվում է՝ Գորենշտեյնն ավելի վաղ խնդրել էր ԼՂՀ դատախազությանը` հետաքննություն անցկացնել՝ Ստերլիգովի կողմից ջրաղացի ձեռք բերման հետ կապված։

Շուշիում հրավիրված մամուլի ասուլիսի ժամանակ լրագրողները հարցրել են Ստերլիգովին՝ հայտնի՞ է իրեն այդ դիմումի մասին: Ստերլիգովը պատասխանել է. «Իսկ այդ հաճելի կնոջ ինչի՞ն է պետք իմ ջրաղացը, նա բացատրե՞լ է։ Արթուր Հայրապետյանն ասում է, որ նա խելառ կին է, բայց ես տեղյակ չեմ»:

Միլանան վիրավորվել է այդ խոսքերից և փոխհատուցում է պահանջում:

Տեսանյութը՝ այստեղ: