Ադրբեջանի ՊՆ-ն իտալական ընկերությունից լրտեսական համակարգեր է գաղտնի գնել

Հաքերները կոտրել են Իտալիայի անվտանգության ուժերի համար լրտեսական ծրագրեր պատրաստող Hacking Team իտալական ընկերության տեղեկատվական բազան եւ տեղադրել համացանցում։ 

WikiLeaks-ի հրապարակած տեղեկություններից պարզվել է նաև, որ ընկերությունն Ադրբեջանին վաճառել է DaVinçi կամ Galileo հեռահար հսկողության համակարգեր։ Գնորդը եղել է Ադրբեջանի ՊՆ-ն: Առքուվաճառքն իրականացվել է ոչ ուղղակի ճանապարհով, այլ ԱՄՆ-ում գրանցված անհայտ ընկերության միջոցով` 2013-ին. ԱՄՆ-ում գրանցված Horizon Global Group ընկերության միջոցով Ադրբեջանի ՊՆ-ն 320 հազար եվրոյով գնել է RCS  լրտեսության հեռահար համակարգը։ 

Haqqin.az-ը փորձել է կապ հաստատել Hacking Team ընկերության հետ, սակայն որևէ մեկնաբանություն չի ստացել:

Նշենք, որ Hacking Team-ի լրտեսական ծրագրերը նախատեսված են համակարգիչների և սմարթոնների վրա գաղտնի հարձակումներ իրականացնելու համար։