Մեր կուսակցությունը շատ ուժեղ է. Դավութօղլու

Թուրքիայի վարչապետ Ահմեդ Դավութօղլուն հայտնել է, որ երկուշաբթի օրը հանդիպելու է կուսակցությունների ղեկավարների հետ` կոալիցիա ձևավորելու վերաբերյալ քննարկումների. տեղեկացնում է Demokrathaber-ը:

Նա տեղեկացրել է , որ առաջին հանդիպումը լինելու է Ժողովրդա-հանրապետական կուսակցության ղեկավարի, այնուհետև` «Ազգային շարժում» և վերջում միայն` քրդամետ Ժողովուրդների դեմոկրատական կուսակցության ղեկավարի հետ:

«Արդեն հայտնել եմ, որ ԺԴԿ-ի և «Ազգային շարժման» հետ գտնվում ենք նույն հեռավորության վրա: Բոլորի հետ հանդիպելու ենք: Մեր կուսակցությունը շատ ուժեղ է: Մենք խորհրդակցել ենք, և արդյունքում հայտնի է դարձել, որ կոալիցիայի համար ամենահարմար կուսակցությունները դրանք են»,- ասել է Դավութօղլուն: