Կեղծ ոսկյա զարդերի դիմաց գրավատնից 14 մլն դրամ են ստացել

Օրերս ոստիկանության Քանաքեռ-Զեյթունի բաժնում հաղորդում էր ստացվել, որ Հ. Ներսիսյան փողոցում գտնվող գրավատանը գրավադրված մեծ չափի կեղծ ոսկի է հայտնաբերվել:

Ոստիկանության մամուլի ծառայությունից հայտնում են, որ գրավատան տնօրենը մեկնած օպերատիվ խմբին հայտնել է, որ Վահե Լ.-ն եւ Էդգար Գ.-ն մարտ ամսից մինչեւ հուլիսի 2-ն ընկած ժամանակահատվածում խաբեությամբ եւ վստահությունը չարաշահելով՝ գրավադրել են կեղծ ոսկյա զարդեր, որի դիմաց ստացել են 14.000.000 դրամ:

Վահե Լ.-ն ներկայացել է բաժին եւ տվել խոստովանական բացատրություն:

Ձեռնարկվում են միջոցառումներ Էդգար Գ.-ին հայտնաբերելու ուղղությամբ:

Կատարվում է հետաքննություն: