Հունաստանը կարող է դատի տալ ԵՄ-ին

Հունաստանի իշխանությունները սպառնացել են ԵՄ-ի դեմ հայց ներկայացնել Եվրոպական դատարան, որպեսզի արգելափակեն երկրի դուրս գալը եվրոյի գոտուց և դադարեցնեն Եվրոպական կենտրոնական բանկի կողմից բանկային համակարգի «խեղդումը». հայտնում է Коммерсантъ-ը: Այդ մասին հայտարարել է Հունաստանի ֆինանսների նախարար Յանիս Վարուֆակիսը:

«ԵՄ պայմանագրերը չեն նախատեսում եվրոյի գոտուց դուրս գալ, և մենք հրաժարվում ենք դա անել։ Մեր անդամակցությունը եվրոյի գոտուն սակարկության առարկա չէ»,- հայտարարել է Վարուֆակիսը:

Նշենք, որ  խոշոր պետությունների կողմից վերջին շրջանում  նախազգուշացումներ են հնչում եվրոյի գոտուց Հունաստանի  հնարավոր դուրս գալու մասին: Պատճառը պարտքերն են, որ կուտակել է Հունաստանը և դեռ նոր վարկեր է պահանջում ԵՄ-ից:

Ի դեպ, հունիսի 5-ին երկրում հանրաքվե կանցկացվի՝ տնտեսման ծրագրի ընդունման հարցով: Եթե բնակիչները մերժեն ծրագիրը, ապա Հունաստանը դուրս կգա եվրոյի գոտուց: