Օսիպյանը հորդորեց պատգամավորներին՝ համոզել ժողովրդին

Քիչ առաջ Բաղրամյան պողոտայում տեղակայված  աղբամանե բարիկադներին մոտեցավ Երևանի փոխոստիկանապետ  Վալերի Օսիպյանը, ով ինչ-որ բան էր փնտրում աղբամաններում: Հիշեցնենք, որ մեկ ժամ առաջ ոստիկանությունը հայտարարել էր, որ տեղեկություններ են ստացվել, որ  ցուցարարների և ոստիկանական պատի միջև ընկած հատվածում պայթուցիկ սարքեր կան :

 Վալերի Օսիպյանը, դիմելով պատգամավոր Խաչատուր Քոքոբելյանին ՝ նրան հորդորեց , որ պատգամավորներից ինչ-որ մեկը հայտարարություն անի և հորդորի քաղաքացիներին հեռանալ պողոտայից : Սակայն  պատգամավորը հայտնեց , որ իրենք նման լիազորություն չունեն և կարող են միայն պատ կազմել:

Օսիպյանն էլ իր հերթին հայտարարեց. <<պատգամավորներ կան, որ ուղղակի ներկա են: Ես անիմաստ եմ համարում խաղաղության պատը, դրա փոխարեն կարելի է մոտենալ քաղաքացիներին  և բացատրել օրենքը: Կանգնել են , ումի՞ց են պաշտպանում քաղաքացիներին>>,-ասաց Օսիպյանը:
Նշենք, որ այս պահին այս պահին ոստիկանական պատը բավականին նոսր է, նրանց   թիկունքում է Վլադիմիր Գասպարյանը: