Հորդորեց խուճապի չմատնվել

Այսօր ԵՐԿԻՐ-ի խմբագրություն էր զանգահարել վանաձորաբնակ մի կին, որն անհանգստացած էր վաղ առավոտյան տեղի ունեցած «ուժեղ» երկրաշարժից:

Տեղեկությունը ճշտելու համար զանգահարեցինք ՀՀ սեյսմիկ պաշտպանության պետական ծառայություն: Ծառայության դիտացանցերի եւ տեղեկատվական վերլուծության բաժնի պետ Միքայել Ենանովից տեղեկացանք, որ մայիսի 23-ի առավոտյան` ժամը 6-ն անց 44 րոպեին, Վանաձորից 7 կմ դեպի հյուսիս-արեւմուտք տեղի է ունեցել 2-3 մագնիտուդ ուժգնությամբ երկրաշարժ:

Նա նշեց, որ խուճապի մատնվելու եւ անհանգստանալու կարիք չկա, որ դա սովորական ցնցում էր, եւ նմանատիպ ցնցումներ ծառայության սարքերը գրանցում են բավականին հաճախ: