Մեր քաղաքացիները մնացել են առանց աղբամանների. Օսիպյանը մտահոգված է

Քիչ առաջ փոքր միջադեպ է  տեղի ունեցել Բաղրամյան պողոտայում:

«Սանիտեք»  ընկերության ավտոմեքենան փորձել է Բաղրամյան պողոտայից վերցնել աղբամանները եւ տեղափոխել աղբը՝  առանց ցուցարարներին  տեղեկացնելու:

 Ցուցարարները  բարձրացել են ընկերության մեքենայի վրա, ինչն առաջացրել  է Երեւանի փոխոստիկանապետ Վալերի Օսիպյանի զայրույթը:

Նա ցուցարար ակտիվիստներին զգուշացրեց, որ նման բաներ չկրկնվեն, որովհետեւ եթե մեկն ընկներ մեքենայի տանիքից, ինքն էր պատասխան տալու,ոչ թե երիտասարդները:

Երիտասարդներն իրենց հերթին ասացին, որ այսուհետ «Սանիտեքի»  մեքենաները թող առանց զգուշացնելու չգան աղբը տեղափոխելոււ : Վալերի Օսիպյանն էլ ցուցարարներին հորդորեց աղբամանները վերադարձնել ընկերությանը.  «Դուք ձեր աղբը կարող եք հավաքել մի տեղ, նրանք գան տանեն, իսկ աղբամանները վերադարձնեք: Մեր քաղաքացիները մնացել են առանց աղբամանների»,- իր մտահոգությունը հայտնեց Օսիպյանը: