Պոլիտեխնիկում իրավիճակը թեժանում է

ՀՊՃՀ-ում ռեկտորի ընտրությունները սկսվել են: Հոգաբարձուների խորհրդի 32 անդամներից ներկա են 31-ը: Նիստը վարում է հոգաբարձուների խորհրդի նախագահ Սամվել Նիկոյանը:

Հարցի իրավունքով դասախոսներից մեկը նշեց, որ ուսանողներից երեքը, որոնք ընդգրկված են խորհրդում, ավարտել են մագիստրատուրան և այլևս բուհի ուսանող չեն, ուստի չեն կարող քվեարկել: «Առաջարկում եմ քննարկման դնել նրանց խորհրդից հանելու հարցը»,- ասաց նա:

Ուսանողական խորհրդից Գոռ Իսպիրյանն էլ նշեց, որ սա առաջին դեպքը չէ, որ փորձում են այնպես անել, որ ուսանողների ձայնը տեղ չհասնի: «Ցանկացած տեսակի առիթ օգտագործում էին մեզ ճնշելու, անգամ` բարոյական նորմերն անցնելով, փորձում էին մեզ ճնշել»,- ասաց նա:

Նշենք, որ ուսանողների խորհրդում մնալ-չմնալու հարցը կքննարկվի շուտով: