Եթե մեկը պարտվում է, պետք է հեռանա ու մյուսի շնչին չնստի. Հովհաննես Թոքմաջյան

Երևանի ազգային պոլիտեխնիկական համալսարանում այս պահին ընթանում են ռեկտորի ընտրությունները: Թեկնածուները երկուսն են` Հովհաննես Թոքմաջյանն ու Ոստանիկ Մարուխյանը:

Yerkir.am-ի հետ զրույցում Թոքմաջյանը նշեց, որ ընտրությունները շարժիչ ուժ են: Նրա կարծիքով` սա մրցակցային գործընթաց է և իր լարված, բացասական կողմերով, միևնույն ժամանակ, վեր է հանում բոլոր առկա խնդիրները:

Մեր հարցին, թե Ոստանիկ Մարուխանն ասել էր, որ Հովհաննես Թոքմաջյանի հաղթելու դեպքում ինքն առաջինը կշնորհավորի նրան, նաև պատրաստ է աշխատել նրա ենթակայության տակ, ինքը`Թոքմաջյանը, ի՞նչ կերպ կվարվի պարտության դեպքում, նա պատասխանեց. «Եթե մեկը պարտվում է, պետք է հեռանա, որ մյուսին իր ծրագրերն իրականացնելու հնարավորություն տա և նրա շնչին  նստած չլինի»: