Ճոյտի ֆիլմը` վաղվանից կինոթատրոնում

Արդեն տեղեկացրել ենք, որ այսօր` հունիսի 19-ին, կայանալու է ԱԺ նախկին պատգամավոր Հակոբ Հակոբյանի (Ճոյտ) հովանավորությամբ նկարահանված «Հիշողություն» ֆիլմի պրեմիերան: Հիշեցնենք, որ այն Հայոց ցեղասպանության մասին է:

Հակոբյանը Yerkir.am-ի հետ զրույցում տեղեկացրեց, որ ֆիլմի պրեմիերան տեղի է ունենալու «Զվարթնոց» համալիրում, որից հետո ասուլիս է լինելու, և ինքը պատասխանելու է լրագրողների այն բոլոր հարցերին, որոնք ֆիլմին են վերաբերում:

«Ֆիլմն առաջինը կցուցադրվի «Զվարթնոց» համալիում, իսկ վաղը` «Սինեմա Սթար» կինոթատրոնում: «Մոսկվա» կինոթատրոնում կցուցադրվի աշնանը: Ֆիլմը ցուցադրվելու է նաև արտասահմանյան մի շարք երկրներում»,- ասաց Հակոբյանը:

Հիշեցնենք, որ ֆիլմի պրեմիերան տեղի կունենա այսօր` ժամը 21:00-ին, «Զվարթնոց» համալիրում: