Սևանի իշխանի պաշարների վերականգնման համար գումար կհատկացվի

Այսօր կառավարության նիստում գյուղատնտեսության նախարար Սերգո Կարապետյանը ներկայացրեց որոշման նախագիծ՝ գյուղատնտեսության նախարարությանը 1 միլիոն դրամ տրամադրել Սևանա լճում իշխանի պաշարների վերականգնման և ձկնաբուծության զարգացման համալիր ծրագրի իրականացման համար։

Սևանի իշխանի պաշարների վերականգնման և ձկնաբուծության զարգացման համալիր ծրագրով նախատեսվում է Սևանա լճի ավազանում ստեղծել Սևանի իշխանի մանրաձկան արտադրության գործարան և ձկան վերամշակման գործարան: Մանրաձկան տնտեսությունում կիրականացվի կենսական ցիկլերի ամբողջական ապահովումը՝ մայրական վտառի կազմավորումը, շարունակական ապահովումը, զարգացումը, սելեկցիան, ձկնկիթի ստացումը, բեղմնավորումը և ինկուբացիան, թրթուրի և մանրաձկան աճեցումը, կենսունակ մանրաձկան տեղափոխումը Սևանա լիճ:

Կենսացիկլի ամբողջական համակարգի ստեղծումը հնարավորություն կտա վերահսկելու արտադրության բոլոր փուլերը՝ դրանով երաշխավորելով իշխանի էկոլոգիապես կայուն արտադրություն: Ակնկալվող արդյունքներն են Սևանի իշխանի պաշարների վերականգնումը և ձկնաբուծության զարգացումը: