Գազալցակայանի վթարից տուժած` Ճոյտի եղբայրը մահացավ

Քիչ առաջ Երևանի այրվածքաբանական կենտրոնում մահացել է ԱԺ նախկին պատգամավոր Հակոբ Հակոբյանի եղբայրը՝ 50-ամյա Արմեն Հակոբյանը: Այս մասին yerkir.am-ին հայտնեց այրվածքաբանական կենտրոնի տնօրեն Նորայր Դավիդյանը:

Հիշեցնենք, որ Արմեն Հակոբյանը տուժել էր մայիսի 26-ի առավոտյան Հակոբ Հակոբյանին պատկանող գազալցակայանում տեղի ունեցած պայթյունից, նրա վիճակը գնահատվում էր ծայրահեղ ծանր: Վթարից տուժել էր նաև Հակոբ Հակոբյանի որդին՝ 29-ամյա Արմեն Հակոբյանը: Նրա վիճակը նույնպես գնահատվում է ծայրահեղ ծանր: Վթարից տուժած Արթուր Գասպարյանը, ով համեմատաբար թեթև վնասվածքներ էր ստացել, վերակենդանացման բաժանմունքից տեղափոխվել է հիվանդասենյակ:

Դեպքի առթիվ նախապատրաստված նյութերով Արմավիրի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 279-րդ հոդվածի 2-րդ մասի 2-րդ կետի հատկանիշներով։ Կատարվում է նախաքննություն: