Ռուսաստանը հստակ ցանկանում է տեղից շարժել ԼՂ հակամարտությունը. Մամեդյարով

Արդեն հայտնել ենք, որ երեկ Մոսկվայում տեղի է ունեցել Ռուսաստանի և Ադրբեջանի ԱԳՆ ղեկավարների հանդիպումը:

Բանակցությունների հիմնական թեման եղել է «Լեռնային Ղարաբաղի հակամարտությունը տեղից շարժելու»` ՌԴ-ի բացարձակապես հստակ ցանկությունը։ Այդ մասին ասել է Ադրբեջանի ԱԳՆ ղեկավար Էլմար Մամեդյարովը Россия 24-ին տված հարցազրույցում:

Նա նշել է, որ Ռուսաստանի հետ ռազմավարական համագործակցությունը տարբեր բաղադրիչներ ունի՝  քաղաքական,  տնտեսական, հումանիտար: Մամեդյարովի խոսքերով՝  բանակցությունների արդյունքում ստորագրվել է փաստաթուղթ հետագա 2  տարիների ընթացքում արտաքին քաղաքական գերատեսչությունների միջև խորհրդակցությունների ու համագործակցության վերաբերյալ:

Խոսելով Ադրբեջանի` ԵՏՄ մտնելու հնարավորության մասին՝ Մամեդյարովն ասել է, որ «ադրբեջանական տարածքների օկուպացումը» թույլ չի տալիս երկրին Մաքսային միությունում գոյատևել Հայաստանի հետ: