Հարգում ենք Հայաստանի որոշումը, որը սերտ կապեր ունի ՌԴ-ի հետ. Մերկել

Ռուսաստանի վերադարձը G8 ձևաչափին անհնար կլինի այնքան ժամանակ, քանի դեռ ՌԴ-ն չի ճանաչում միջազգային իրավունքի հիմքերը: Նման հայտարարություն Բունդեսթագում արել է Գերմանիայի կանցլեր Անգելա Մերկելը. հայտնում է ТАСС-ը:

Նա նշել է, որ Ռուսաստանը չի ներկայացվի Էլմաուում կայանալիք գագաթաժողովին, քանի որ G7 ձևաչափը ԵՄ-ն հասկանում է  որպես ընդհանուր արժեքների ընկերակցություն:

Մերկելը նաև նշել է, որ «կամ-կամ» մտածելակերպը, երբ որոշակի երկրի պետք ընտրի ԵՄ-ի և Ռուսաստանի միջև, անընդունելի է: «Օրինակ` մենք հարգում ենք Հայաստանի որոշումը, որը սերտ տնտեսական հարաբերություններ ունի Ռուսաստանի հետ»,- ասել է նա: