Թող ապացուցեն, և ես հրաժարական կտամ. Դավութօղլու

Թուրքիայի վարչապետ Ահմեդ Դավութօղլուն դարձյալ հիշել է ընդդիմադիր կուսակցություններին:

Ըստ Sozcu-ի՝ անդրադառնալով քրդամետ Ժողովուրդների դեմոկրատական կուսակցության պնդումներին, թե իշխող «Արդարություն և զարգացում» կուսակցությունը մտադիր է կեղծել հուլիսի 7-ին կայանալիք խորհրդարանական ընտրությունները, ինչի համար 3500 հոգանոց թիմ է ստեղծել, Դավութօղլուն ասել է, որ այդ պնդումն ապացուցվելու դեպքում ինքը հրաժարական կտա:

«Սա այնքան ստոր զրպարտություն է: Ո՞ւր է ապացույց: Արդեն ոմանք սկսել են ընտրությունների կապակցությամբ մանիպուլյացիա անել: Թող ապացուցեն, և ես հրաժարական կտամ: Ով լինի դրա պատասախանատուն, ես նրան աշխատանքից կազատեմ: Մենք վստահ ենք, որ հաղթելու ենք այս ընտրություններում, ինչո՞ւ նման քայլի դիմենք»,- ասել է նա: