Ֆիլհարմոնիկի համերգը Մեխիկոյում` Ցեղասպանության 100-րդ տարելիցին նվիրված

Մայիսի 6-16-ը Հայաստանի ազգային ֆիլհարմոնիկ նվագախումբը /գեղարվեստական ղեկավար և գլխավոր դիրիժոր` Էդվարդ Թոփչյան/ «Հիշում եմ և պահանջում» խորագիրը կրող համերգաշարով հանդես է գալիս ԱՄՆ-ում և Մեքսիկայում: Համերգային ծրագրում ընդգրկված են Կոմիտասի, Կանաչյանի, Խաչատրյանի, Հովհաննեսի, Բաբաջանյանի, Մանսուրյանի, Չայկովսկու,Շոստակովիչի ստեղծագործությունները:

Նվագախմբի հյուրախաղերը կեզրափակվեն վաղը` մայիսի 14-ին, Մեքսիկայի մայրաքաղաք Մեխիկոյում: «Նեցաուալկոյոթլ» համերգասրաում կայանալիք համերգը նվիրվում է Հայոց ցեղասպանության 100-րդ տարելիցին: Նվագախմբի հետ հանդես կգա թավջութակահար Ալեքսանդր Հյուլսհոֆը /Գերմանիա/: