Էրդողանի կուսակցության աջակցությամբ Թուրքիայում սելֆի անող արքայազնի արձան է տեղադրվել

Թուրքիայում Ամասիայի քաղաքապետարանի անդամները, ովքեր իշխող՝ «Արդարություն և զարգացում» կուսակցության անդամներ են, սելֆի անող արքայազնի արձան են տեղադրել. տեղեկացնում է Sozcu-ն:

Նման քայլը քննադատության է արժանացել ընդդիմադիր կուսակցության կողմից: Ամասիայում ընդդիմադիր պատգամավոր Ռամիզ Թոփալն իր դժգոհությունն է հայտնել, թե քաղաքում խցանումների դեմն առնելու համար ոչ մի քայլ չի ձեռնարկվում, սակայն հսկայական գումարներ են ծախսվում նման բաների համար:

Հիշեցնելով օրեր առաջ Անկարայի քաղաքապետ Մելիհ Գյոքչեքի հրամանով տեղադրված` դինոզավրի արձանի մասին՝ պատգամավորը նշել է, որ Էրդողանի կուսակցության անդամները միմյանց հետ մրցակցության մեջ են մտել նման անհասկանալի երևույթների հարցում: