Պուտինը գոհ է Հաղթանակի տոնից

ՌԴ նախագահ Վլադիմիր Պուտինը գոհ է երկրում Հաղթանակի 70-ամյակի կապակցությամբ կազմակերպված տոնական միջոցառումներից: Այդ մասին նա ասել է «Ռոսիա 1» հեռուստաընկերությանը:

«Մենք մեր քաղաքացիների շատ ուրախ դեմքեր ենք տեսել: Կարեւորը, որ մենք գիտակցում ենք, որ սա ամենամեծ, գուցե եւ ամենակարեւոր տոնն է մեր կյանքում»,- ասել է ՌԴ նախագահը, հաղորդում է «Լենտա»-ն:

Նա վստահեցրել է, որ բոլորովին չի տխրել  եվրոպացի առաջնորդների բացակայությունից: «Ես ուրախ եմ, որ աշխարհում տոնում են նացիզմի դեմ հաղթանակի օրը, եւ որտեղ էլ մարդիկ դա անեն, եթե անկեղծ են, դա արդեն լավ է»,- ասել է Պուտինը՝ ընդգծելով՝ «բոլոր նրանք, ում մենք ուզում էինք տեսնել, այստեղ էին»: