Որ մասնագետներն են ամենից շատ ալկոհոլ օգտագործում. հետազոտություն

Ալկոհոլի և թմրանյութերի չարաշահումը կախված է մասնագիտությունից: Դա պարզել է ԱՄՆ առողջապահության և սոցիալական ծառայությունների նախարարությունը. հայտնում է Лента.ру-ն:

Հետազոտությունները ցույց են տվել, որ ամենից շատ ալկոհոլ օգտագործում են ծանր ֆիզիկական աշխատանք կատարող անձինք: Այսպես՝ հանքափորների 17,5 տոկոսը չարաշահում է ալկոհոլը, նրանց հետևում են շինարարները (16,5%):

Երրորդ տեղում են մարդիկ, ովքեր զբաղված են հյուրանոցային և ռեստորանային բիզնեսում: Ընդ որում` նրանք առաջին տեղում են` թմրանյութ օգտագործելու ցուցանիշով (19 տոկոս):

Պարզվել է նաև, որ մենեջերները ավելի շատ տարվում են թմրանյութերով (12%), քան ալկոհոլային խմիչքով (10%):

Ամենից քիչ ալկոհոլ օգտագործում են կրթության և առողջապահության ոլորտների մասնագետները (5%):

Ամենից քիչ թմրամոլներ հայտնաբերվել են պաշտոնյաների շրջանում (4,3%):