Մեծ տատս ողջ է մնացել միայն այն պատճառով, որ նրան երեխա ժամանակ փաթաթել են գորգի մեջ. Մարգարիտա Սիմոնյան

Ռուսական Russia Today -ի գլխավոր խմբագիր Մարգարիտա Սիմոնյանը  Twitter-ում անդրադարձել է Հայոց ցեղասպանությանը՝ հիշելով իր ընտանիքի պատմությունը:

«100 տարի առաջ սպանել են իմ մեծ տատի ընտանիքը՝ նրա ծնողներին, ավագ եղբայրներին ու քույրերին,  սպանել են նրա աչքի առաջ: Իսկ տատիս և նրա փոքր քրոջը` Ալիսային, վերցրել է մի թուրք ընտանիք: Գեղեցիկ աղջիկներին, չգիտես` ինչու, չէին սպանում: Իմ մեծ տատը թուրք ընտանիքից փախել է Ղրիմ: Այդպես՝ մեր ընտանիքը հասել է Ռուսաստանում: Նրա քույրը մնացել է Թուրքիայում: Մենք չգիտենք նրա ճակատագրի մասին:

Իմ մյուս մեծ տատը ողջ է մնացել միայն այն պատճառով, որ նրան երեխա ժամանակ փաթաթել են գորգի մեջ, և թուրքերը նրան չեն նկատել: Նա  5 տարեկան է եղել: Գորգի մեջ փաթաթված՝ նա լսել է՝  ինչպես են սպանում իր հարազատներին: Եվ ողջ է մնացել: Միայն նա:

Իմ հոգում չկա ոչ մեկի նկատմամբ ատելություն: Բայց ես երբեք չեմ մոռանա»,- գրել է Սիմոնյանը: