Որոնվող 74-ամյա վանաձորցու դին է հայտնաբերվել

2015թ. փետրվարի 2-ից անհետ կորած Վանաձորի բնակիչ Զ.Շուշանյանի դին հայտնաբերվել է հանդամասում։ Քաղաքացի Հ.Մուսայելյանը 2015թ. փետրվարի 3-ին ոստիկանության բաժնում հաղորդում էր ներկայացրել, որ իր աները՝ 74-ամյա Զ.Շուշանյանը, փետրվարի 2-ի առավոտյան եղինջ քաղելու նպատակով տնից դուրս է եկել ու չի վերադարձել:

Դեպքի առթիվ Լոռու մարզային քննչական վարչությունում հարուցվել է քրեական գործ` ՀՀ քրեական օրենսգրքի 104-րդ հոդվածի 1-ին մասի հատկանիշներով: 2015թ. ապրիլի 16-ին՝ ժամը 14:00-ի սահմաններում, հայտնաբերվել է Զ.Շուշանյանի դին «Դագատեղ» կոչվող հանդամասում: Նշանակվել է դատաբժշկական փորձաքննություն:

Նախաքննությունը շարունակվում է: Ձեռնարկվում են անհրաժեշտ քննչական և դատավարական միջոցառումներ՝ պարզելու Զ.Շուշանյանի մահվան հանգամանքները։