Մանրամասներ՝ ՌԴ-ում տեղի ունեցած դժբախտ պատահարի մասին, որի ժամանակ հայեր են զոհվել

Արդեն հայտնել ենք, որ մարտի 28-ին Ռուսաստանի Դաշնության Կրասնոդար քաղաքում դժբախտ դեպք է տեղի ունեցել՝ 5 հայ շինարարներ մնացել են շինարարական փլատակների տակ:

Московский комсомолец-ի` մարտի 28-ի հրապարակման մեջ հաղորդվում է դեպքի մասին, սակայն զոհվածների ազգությունը չի նշվում: Հաղորդվում է, որ ողբերգությունը տեղի է ունեցել շաբաթ օրը Սորմովսկայա փողոցում կառուցվող 16-հարկանի շենքի տարածքում: Շենքի 13-րդ հարկի բետոնե սալին ամրացված կախովի պլատֆորմը պոկվել և վայր է ընկել: Պլատֆորմի վրա գտնվել է 5 հոգի: 53-60 տարեկան 4 տղամարդիկ տեղում մահացել են, 18-ամյա երիտասարդը հոսպիտալացվել է:

Թերեը նաև հաղորդում է կատարվածի փաստով քրեական գործի հարուցման մասին՝ շինարարական աշխատանքների ժամանակ անվտանգության կանոնների խախտում հոդվածով:

Մեղավորներին մինչև 5 տարվա ազատազրկում է սպառնում: