Սահակաշվիլին կվերադառնա Վրաստան և կազատի այն Պուտինից

Ուկրաինայի դեպքերից է կախված մի շարք երկրների ճակատագիրը, այդ թվում` Վրաստանինը։ Այդ մասին 112 Украина-ի եթերում ասել է Վրաստանի նախկին նախագահ, Ուկրաինայի նախագահի խորհրդական Միխեիլ Սահակաշվիլին:

Նա  նշել է, որ Ինտերպոլը ոչ մի կերպ չի արձագանքել իր հետախուզման վերաբերյալ հարցմանը, քանի որ դա քաղաքական գործ է, և Ինտերպոլի կանոնադրությունն արգելում է մասնակցել քաղաքական գործերին։

«Ես կվերադառնամ Վրաստան, բնականաբար, կմեկնեմ շատ շուտով, ինչպես ազատ մարդ, և կազատեմ իմ երկիրը պուտինյան ազդեցությունից։ Ես կանեմ ամեն ինչ, որպեսզի Ուկրաինայում իրավիճակը  լավանա, քանի որ, ի վերջո, դրանից է կախված շատ երկրների ճակատագիրը, ներառյալ՝ Վրաստանինը»,- հայտարարել է Սահակաշվիլին։