Ռուսաստանին վախեցնել չի հաջողվի. Պուտին

ՌԴ նախագահ Վլադիմիր Պուտինը հայտարարել է, որ Մոսկվան կարող է պատասխանել ազգային անվտանգությանն ուղղված սպառնալիքներին։ Այդ մասին նախագահը հայտարարել է Անվտանգության դաշնային ծառայության կոլեգիային նիստի ժամանակ. հայտնում է Интерфакс-ը:

«Բացարձակապես պարզ է, որ ո'չ վախեցնել, ո'չ ճնշում գործադրել մեր երկրի վրա ոչ մեկին չի հաջողվել և չի հաջողվի, ազգային անվտանգության բոլոր արտաքին և ներքին սպառնալիքներին մենք միշտ ունեցել ենք և կունենանք ադեկվատ պատասխան»,- ասել է Պուտինը։

Նրա խոսքով՝ արևմտյան գործընկերների հետ անհամաձայնության դեպքում Ռուսաստանին «չեն խեղճացնի»։

«Ռուսաստանի հետ նման բաները չեն անցնում, երբեք չեն անցել և չեն անցնի ապագայում»,- հայտարարել է Պուտինը։