Շարունակ առաջնագծին անդրադառնալու անհրաժեշտություն չկա. նախարար

Այսօր լրագրողները ՀՀ պաշտպանության նախարար Սեյրան Օհանյանին հարցրեցին սահմանային լարվածության մասին:

«Սահմանային իրավիճակը այսօր վերահսկվում է: Չկա որևէ իրադարձություն, որ համարժեք և դեռ ավելին պատասխաններ չտանք»,- ասաց Սեյրան Օհանյանը` վերջին դիվերսիոն դեպքերի մասին ասելով, որ դրանք հաջողությամբ հետ են մղվել ու բացահայտվել հայ զինվորների բարձր պատրաստվածության, նրանց հերոսության ու անձնուրացության շնորհիվ:

Նախարարը կարծիք հայտնեց, որ այսօր  առաջնագծին անընդհատ անդրադառնալու անհրաժեշտություն չկա, որովհետև հայկական բանակն ինքնուրույն ի վիճակի է իր առջև դրված խնդիրները լուծել:

«Երբ անհրաժեշտություն լինի, որ մեր կողքին գտնվեն մեր վետերանները և երկրապահները, կամ արձագանքներ ակնկալել ՀԱՊԿ-ից, մեր ռազմաքաղաքական ղեկավարությունը համապատասխան ընթացակարգով դրանք կիրականացնի»,- ասաց նախարարը: