Վայոց ձորում գայլի հարձակումից տուժածներից երեքը դեռ հիվանդանոցում են

Արդեն հայտնել ենք, որ երեկ`  ժամը 15.10-ի սահմաններում, Վայոց ձորի մարզի Չիվա գյուղի հանդամասում գայլը հարձակվել է նույն գյուղի 5 բնակիչների վրա և նրանց տարբեր աստիճանի վնասվածքներ պատճառել:

Yerkir.am-ը Եղեգնաձորի բժշկական կենտրոնից տեղեկացավ, որ երեկ հիվանդանոցում ամբուլատոր բուժում են ստացել և դուրս գրվել տուժածներից` 31-ամյա Սիլվա Սմբատյանն ու Արմեն Խաչատրյանը: Իսկ 50-ամյա Գյուլնարա Սարգսյանը, 37-ամյա Գայանե Մանուկյանն ու նրա հասակակից Սաթենիկ Մինասյանը դեռևս գտնվում են հիվանդանոցում: Բժիշկները կատարել են տուժածների վերքերի առաջնային մշակում, կատաղության և փայտացման դեմ ներարկումներ: Նրանց վիճակը գնահատվում է բավարար: