Վրաերթ՝ թաղապետարանի մոտ. տուժածը հաճախակի է վրաերթի ենթարկվում

Երեկ՝ մարտի 22-ին, վրաերթ է տեղի ունեցել Երևանում՝ հայտնում է shamshyan.com-ը:

Ժամը 21:30-ի սահմաններում Սեբաստիա փողոցում՝ Մալաթիա-Սեբաստիայի թաղապետարանի հարևանությամբ՝ «Ֆլեշ» բենզալցակայանի դիմաց, Երևանի բնակիչ, 30-ամյա Արայիկ Հարությունյանը իր վարած Mercedes մակնիշի 34 FA 574 համարանիշի ավտոմեքենայով վրաերթի է ենթարկել հետիոտն՝ 50-ամյա Վարդուհի Դարակչյանին:

Ինչպես վրաերթի վայրից հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է վրաերթի ենթարկվածին տեղափոխել «Արմենիա» բժշկական կենտրոն: Դեպքի վայրում հավաքվածները ֆոտոլրագրողի հետ զրույցում ասում էին, որ վրաերթի ենթարկվածին ճանաչում են, քանի որ բազմաթիվ անգամներ վրաերթի է ենթարկվել և դրսևորում է տարօրինակ վարքագիծ. նա կպչում է ավտոմեքենաներին ու պատուհաս դառնում թե՛ վարորդների, թե՛ ոստիկանության ծառայողների և թե՛ քննիչների համար:

Մանրամասն՝ սկզբնաղբյուրում