Տիգրան Կարապետյանը դադարեցնում է համագործակցությունը ԲՀԿ-ի հետ

Ժողովրդական կուսակցության ղեկավար Տիգրան Կարապետյանը Yerkir.am-ի հետ զրույցում հայտնեց, որ ինքն այլևս չի համագործակցելու ԲՀԿ-ի հետ:

«Ես դադարեցնում եմ համագործակցությունս ԲՀԿ-ի հետ, քանի որ իմ համագործակցությունն այդ քաղաքական ուժի հետ պայմանավորվում էր միայն Գագիկ Ծառուկյանի գործոնով: Ես նրա հետ էի ուզում համագործակցել միայն: Ձգտում էի իշխանափոխության, իսկ Գագիկ Ծառուկյանը կարող էր հասնել դրան»,- ասաց նա:

Մեր հարցին, թե Նաիրա Զոհրաբյանի նկատմամբ չկա՞ բավարար հավատ ու վստահություն` համագործակցությունը շարունակելու համար, Կարապետյանը պատասխանեց. «Ես ի սկզբանե եմ ասել, որ համագործակցում եմ հենց Գագիկ Ծառուկյանի հետ: Նաիրա Զոհրաբյանի հետ չեմ համագործակցելու»:

Ժողովրդական կուսակցության ղեկավարը նշեց, որ ինքը շարունակելու է իր գործունեությունը՝ առանց որևէ քաղաքական ուժի հետ համագործակցելու: