Նեմցովը հայտնի «սրտակեր» էր. The Daily Beast

Բորիս Նեմցովը ՌԴ քաղաքական կյանքի սեքս-խորհրդանիշն էր: Նա կենսուրախ էր, կրքոտ, խելացի, ինչպես նաև հայտնի «սրտակեր»: Ըստ inopressa.ru-ի՝  The Daily Beast-ում գրում է լրագրող Աննա Նեմցովան:

«Սիրուհիներն ու ընկերուհիները պաշտում էին Նեմցովին՝ նրա առատաձեռնության համար և նրանց մեծամասնությունը շփվում էր քաղաքական գործչի հետ անգամ ռոմանտիկ հարաբերությունները խզելուց հետո:

Սակայն նրա վերջին սերը՝ 23-ամյա Աննա Դուրիցկայան, չկարողացավ ծաղիկներ տանել նրա սպանության վայրը: Որոշ տեղեկությունների  համաձայն` քննիչներն Աննային «հսկում» էին Մոսկվայի մասնավոր բնակարաններից մեկում: Սակայն հետո նրան հաջողվեց Մոսկվայից մեկնել Կիև:  Նեմցովի հուղարկավորությանը նա ներկա չեղավ»,- գրում է Նեմցովան: