Հաստատվեց, որ ԲՀԿ ղեկավարի պաշտոնում Նաիրա Զոհրաբյանի թեկնածությունն է առաջադրված

Այսօր լրագրողների հետ զրույցում ԱԺ ԲՀԿ խմբակցության պատգամավոր Միքայել Մելքումյանը, պատասխանելով հարցին, թե ԲՀԿ արտահերթ համագումարում հնարավո՞ր է դրվի կուսակցության նախագահի փոփոխության հարցը, պատասխանեց. «Կարող ա չի, հաստատ, քննարկվելու է Նաիրա Զոհրաբյանի թեկնածությունը, և ես էլ պաշտպանելու եմ այդ թեկնածությունը»:

Հարցին` իսկ եթե Նաիրա Զոհրաբյանը ղեկավարի կուսակցությունը, հնարավո՞ր է, որ  մարդիկ հեռանան կուսակցությունից` դրանից դժգոհ, պատգամավորը պատասխանեց, որ չի կարծում, թե դուրս եկողներ կլինեն, որովհետև Նաիրա Զոհրաբյանի թեկնածության վերաբերյալ արդեն քննակումներ են եղել:

Հարցին, թե արդյո՞ք ԲՀԿ-ում հոսանքներ են գոյացել, որոնք դեմ կլինեն այս կամ այն ԲՀԿ-ականի թեկնածությանը, Միքայել Մելքումյանը պատասխանեց, որ դա դետեկտիվ, ֆանտաստիկ ժանրից է: Նա նշեց նաև, որ համագումարում որոշվելու է ԲՀԿ-ի քաղաքական ուղեգիծը: