Երվանդ Զախարյանի աշխատակիցն ինքնասպանությունից առաջ հրաժեշտ է տվել հարազատներին. նոր մանրամասներ

Փետրվարի 20-ին Երևանի Բագրևանդ թաղամասի 44 տան հարակից այգում հայտնաբերվել է 52-ամյա Աշոտ Կառլենի Վարդանյանի դին` պարանով ծառից կախված վիճակում: Այս մասին yerkir.am-ը տեղեկացավ ՀՀ քննչական կոմիտեից:

Armlur.am-ի տեղեկություններով` ինքնասպան եղածը էներգետիկայի և բնական պաշարների նախարար Երվանդ Զախարյանի աշխատակիցներից էր: Կայքի տեղեկությունների համաձայն` տղամարդն ինքնասպանություն է գործել ֆինանսական խնդիրների պատճառով:

Սակայն ինքնասպանության պատճառների վերաբերյալ  yerkir.am-ին հասած վարկածներից մեկի համաձայն`  Վարդանյանը լուրջ առողջական խնդիրներ է ունեցել և ինքնասպանությունից առաջ զանգահարել ու հրաժեշտ է տվել հարազատներին:

Նշենք, որ դիակի արտաքին զննությամբ բռնության հետքեր չեն հայտնաբերվել: Փաստի առթիվ նյութեր են նախապատրաստվում: