Դուք մտահոգվեք Ձեզ համար. Փաշինյանը՝ ՀՀԿ-ականին

Այսօր պետաիրավական հարցերի հանձնաժողովի նիստում, ուր Նիկոլ Փաշինյանը ներկայացնում էր Սերժ Սարգսյանին պաշտոնանկ անելու հիմքերը, ՀՀԿ-ական Վահրամ Մկրտչյանը կարծիք հայտնեց, որ Նիկոլ Փաշինյանը սուտ մատնություն է տալիս, իսկ քրեական օրենսգիրքը պատիժ է սահմանում սուտ մատնության համար: Նա Նիկոլ Փաշինյանի ներկայացրած փաստաթուղթը համարեց անտրամաբանական մտքերի շարադրանք:

Նիկոլ Փաշինյանն էլ արձագանքելով ասաց. «Քրեական օրենսգիրքը նաև պատիժ է սահմանում վաշխառության, անձի առևանգման և նրան ծեծի ենթարկելու համար: Դուք այդ մեղադրանքով, որպես մեցադրյալ, ներգրավվելու մեծ շանսեր ունեք, մի' մտահոգվեք ուրիշների մասին, Դուք մտահոգվեք Ձեր մասին»:

Հիշեցնենք, որ ՀՀԿ-ական պատգամավոր Վահրամ Մկրտչյանի անվան հետ է կապվում ԵՊՏՀ դասախոս, գիտությունների թեկնածու Արտակ Ղուկասյանին առեւանգելու, ծեծի ենթարկելու փաստը: