ՀՀ քննչական կոմիտեն՝ ԲՀԿ-ական պատգամավորի որդու գործի մասին

ՀՀ քննչական կոմիտեն հաղորդագրություն է տարածել, որում նշվում է. «ՀՀ քննչական կոմիտեի զինվորական քննչական գլխավոր վարչության վարույթում շարունակվում է մի խումբ անձանց կողմից, նախնական համաձայնությամբ, քաղաքացի Ս.Մ.-ին առեւանգելու դեպքի առթիվ հարուցված քրեական գործի նախաքննությունը։ Հաշվի առնելով հանրության հետաքրքրությունը՝ տեղեկացնում ենք, որ նշված քրեական գործը հարուցվել է դեռեւս 2014 թվականի հուլիսին, որի շրջանակներում Ռոման Գասպարյանին առաջադրվել է մեղադրանք՝ 2014 թվականի սեպտեմբերին։ Նախաքննությունը շարունակվում է, միջոցներ են ձեռնարկվում դեպքի հանգամանքների բազմակողմանի եւ լրիվ հետազոտումն ապահովելու ուղղությամբ»։ 

Նշենք, որ Ռոման Գասպարյանը ԲՀԿ-ական պատգամավոր Ռուստամ Գասպարյանի որդին է: