Դաժան կադրերի առկայությունն արդարացված չէր. թուրքագետը՝ Ճոյտի ֆիլմի մասին

Հայտնի է, որ նախկին պատգամավոր, ներկայումս ձերբակալված Հակոբ Հակոբյանի նախաձեռնությամբ և սցենարով նկարահանված «Հիշողություն» գեղարվեստական ֆիլմը, որը Հայոց ցեղասպանության մասին է, անորոշ ժամանակով էկրան չի բարձրանալու: Ֆիլմն ունեցել է փակ դիտում, որին մասնակցել է նաև թուրքագետ Ռուբեն Սաֆրաստյանը:

Yerkir.am-ի հետ զրույցում, գնահատելով ֆիլմը, նա նշեց. «Պատմական իրականության հետ բավական մեծ հակասություններ կային, անգամ` հագուստների, տեսարանների, խոսակցությունների մասով: Դրվագը, որտեղ Էրդողանը ներկայացվում է որպես հայ,  նույնպես իրականությանը չի համապատասխանում: Կարծում եմ` դաժան կադրերի առկայությունը արդարացված չէր, քանի որ դրանք չէին բխում ֆիլմի ընդհանուր տրամաբանությունից: Ֆիլմը ցուցադրությունից հանվել է կոմերիցիոն խնդիրների պատճառով, բայց, այնուամենայնիվ, ես` որպես պատմաբան, չհավանեցի` ո'չ սյուժետային, ո'չ էսթետիկ առումով»: