Հայաստանում մարդ չպետք է ծեծվի իր գործունության համար. Օսկանյան

Այսօր կառավարության մոտ տեղի ունեցած բողոքի ակցիայի ժամանակ ԱԺ ԲՀԿ խմբակցության պատգամավոր Վարդան Օսկանյանը, անդրադառնալով ԲՀԿ-ական Արտակ Խաչատրյանին ծեծի ենթարկելու դեպքին, հայտարարեց, որ սա իշխանությունների ձեռքի գործն է: Նա հորդորեց դեպքը չկապել կուսակցական պատկանելության հետ:

«Պատերազմ է հայտարարվել ողջ ժողովրդին, մի կողմ թողնենք կուսակցությունը: Այն, ինչ կատարվում է երկրում, դրա պատասխանատուն այսօրվա իշխանություններն են: Սա մարտահրավեր էր հայ ժողովրդին»,- ասաց Օսկանյանը:

Լրագրողներից մեկի դիտարկմանը, թե ինչո՞ւ ԲՀԿ-ն նման ընդվզում չցուցաբերեց Գյումրիում սպանդի, մի շարք ակտիվիստների նկատմամբ կիրառված բռնությունների ժամանակ, նա հստակ չպատասխանեց, միայն ասաց, որ գուցե Արտակ Խաչատրյանի ծեծը վերջին կաթիլն է, երբ իրենց համբերության բաժակը լցվել է: «Հայաստանում մարդ չպետք է ծեծվի իր գործունության համար»,- ասաց Օսկանյանը: