Ապրիլին «Անմոռուկ» կրծքանշանները հասանելի կլինեն

Ապրիլի առաջին օրերին հանրապետության խոշոր հանրախանութներում և կրպակների ցանցում հնարավոր կլինի ձեռք բերել «Անմոռուկ» կրծքանշաններ` նվիրատվություն անելով: Նվիրաբերված գումարներն ուղղվելու են Հայոց ցեղասպանության 100-րդ տարելիցի միջոցառումների իրականացման հիմնադրամ:

Հայտնում ենք նաև, որ «Անմոռուկ» խորհրդանիշը պաշտպանված է հեղինակային իրավունքներով Հայաստանում և արտերկրում: Դրա կիրառման բացառիկ իրավունքը պատկանում է Հայոց ցեղասպանության 100-րդ տարելիցի միջոցառումները համակարգող գլխավոր տնօրինությանը:

Այն կազմակերպությունները կամ անհատ ձեռնակատերերը, ովքեր ցանկություն ունեն «Անմոռուկը» կիրառել հուշանվերային արտադրություն կազմակերպելու համար, պետք է դիմեն 010 530062 հեռախոսահամարով կամ նամակ ուղարկեն հետևյալ էլեկտրոնային հասցեին՝ [email protected]:

Տնօրինությունը շնորհակալ կլինի նաև, եթե հանրությունը նույն էլեկտրոնային հասցեով ծանուցի «Անմոռուկի» կիրառման դեպքերի մասին` տրամադրելով համապատասխան հուշանվերի լուսանկարը և վաճառքի հասցեն` խորհրդանիշի անպատշաճ և չարտոնված կիրառման դեպքերից խուսափելու նպատակով:

Աղբյուրը` armeniangenocide100.org