«Հայք» հեռուստաընկերությունը կգործի ՀՀԿ կենտրոնական գրասենյակում. «Ժողովուրդ»

«Ժողովուրդ»-ի տեղեկություններով՝ Հանրապետական կուսակցության կողմից ստեղծվելիք «Հայք» հեռուստաընկերությունը տեղակայված կլինի Մելիք-Ադամյան փողոցում գտնվող ՀՀԿ կենտրոնական գրասենյակում։

«Ըստ նույն տեղեկությունների՝ ներկայումս այնտեղ ընթանում են նախապատրաստական աշխատանքները, որպեսզի շուտով հեռուստաընկերությունը սկսի գործել։ Հանրապետականները «Ժողովուրդ»-ի հետ մասնավոր զրույցում հաստատում են տեղեկությունը՝ ասելով, որ առայժմ այդ մասին չեն ցանկանում հրապարակային խոսել և մանրամասներին անդրադառնալ:

Մեր տեղեկություններով՝ նոր բացվելիք հեռուստաընկերության գործադիր տնօրեն կնշանակվի Արման Թերջանյանը, որն այժմ զբաղեցնում է «Արմնյուզ» հեռուստաընկերության գործադիր տնօրենի պաշտոնը: Երեկ ողջ օրվա ընթացքում «Ժողովուրդ»-ը փորձեց տեղեկությունը ճշտել Արման Թերջանյանից, սակայն նրա հետ կապվել մեզ չհաջողվեց»,–գրում է թերթը։

Մանրամասն՝ թերթի այսօրվա համարում: