Սպանված զինծառայողի՝ 25-ամյա Շեքսպիրի գրպանում նրա փոքրիկի լուսանկարն է եղել

Մարտական հենակետում հակառակորդի կողմից փետրվարի 4-ի լույսի 5-ի գիշերը վիրավորված եւ հիվանդանոցում զոհված 25-ամյա Շեքսպիր Հակոբյանը Ջերմուկ քաղաքից էր, ամուսնացած էր եւ երեխաներ ուներ. հայտնում է shamshyan.com-ը:

«Ավելին՝ նրա գրպանում միշտ փոքրիկի լուսանկարն է եղել: Այս մասին կայքի հետ զրույցում պատմեցին նրա ծառայակից ընկերները, ովքեր չեն կարողանում համակերպվել կատարվածի հետ: Միաժամանակ ավելացնում էին, որ Շեքսպիրը տեսակով անձնազոհ կերպար էր չնայած, ի տարբերություն մյուսների, ինքը ամուսնացած էր եւ տանը սպասող փոքրիկներ ուներ: Ընկերները նաեւ պատմեցին, որ Շեքսպիրը Ռուսաստանի Դաշնությունից էր եկել Հայաստան ծառայության նպատակով: Նա ծառայության է անցել 2013թ-ի աշնանը եւ 2015թ-ի աշնանը պետք է զորացրվեր: «Ցավոք նրա սպասված աշունը չեկավ»,- հուզված ավելացրեցին ծառայակիցները»,-գրում է կայքը:

Ավելի վաղ հայտնել էինք, որ նախորդ գիշեր 25-ամյա զինծառայող է զոհվել: