Հայոց ցեղասպանությանը նվիրված գերմանալեզու կայք է գործարկվել

Գործարկվել է Հայոց ցեղասպանության մասին պատմող գերմանալեզու կայքը (www.genozid1915.de)։

«Նովոստի Արմենիա»-ն տեղեկացնում է, որ նոր կայքը հրապարակում է Ցեղասպանության մասին պատմող ամենատարբեր տեղեկություններ` լուսանկարներ, տեսանյութեր, արխիվային փաստաթղթեր, ինչպես նաև տեղեկատվություն ԳԴՀ հայկական համայնքի գործունեության մասին, որն ուղղված է Գերմանիայի կողմից Հայոց ցեղասպանության ճանաչմանը։

Կայքում հրապարակվում են նորություններ, որոնք նվիրված են Հայոց ցեղասպանության խնդրին, մասնավորապես` Փերինչեքի գործով դատավարությանը։

Կայքի հիմնական թիրախային լսարանը Եվրոպայի գերմանալեզու բնակչությունն է։ Այն կոչված է լրացնել գերմաներենով` Ցեղասպանության մասին տեղեկատվության բացը։ Օգտատերերը կարող են հարցեր ուղղել մշակողներին, կայքում գործում է feedback ծառայությունը։

Կայքը ստեղծվել է Գերմանիայում Հայոց ցեղասպանության հարյուրամյա տարելիցին նվիրված միջոցառումների նախապատրաստման հանձնախմբի կողմից։

Աղբյուրը` armeniangenocide100.org