Հայաստանում ՌԴ դեսպանատունը՝ Գյումրիում իրականացված սպանդի մասին

 Հայաստանում ՌԴ դեսպանատունը  հայտարարություն է տարածել Գյումրիում տեղի ունեցած ողբերգության վերաբերյալ:

«Ցնցված ենք Գյումրիում տեղի ունեցած սահմռկեցուցիչ ողբերգության կապակցությամբ: Ողբում ենք հայ ժողովուրդի հետ միասին: Ցավակցում ենք զոհվածների հարազատներին և մտերիմներին:

Այդ սարսափելի ոճրագործությունն իրագործողները պետք է խստագույնս պատժվեն:

Հայաստանի Հանրապետության և Ռուսաստանի Դաշնության պատկան մարմինները տվյալ պահին իրականացնում են անհրաժեշտ քննչական գործողություններ, որոնց նպատակն է տեղի ունեցածի անաչառ և բազմակողմանի հետաքննությունը:

Քննչական խմբերը համակարգում են իրենց ջանքերը` համապատասխան հանրապետության տարածքում 102-րդ ռազմական բազայի տեղակայման պայմանների մասին համաձայնագրի»,- ասվում է հայտարարությունում: