Ռուսական ԶԼՄ-ները չեն շտապում տեղեկություններ հաղորդել Գյումրիում սպանդի մեջ կասկածվող Վալերիի մասին

Արդեն հայտնել ենք, որ այս գիշեր դաժան սպանության դեպք է արձանագրվել Գյումրիում: Հիմնական կասկածյալը ռուս զինվորական Պերմյակով Վալերի Պավլովիչն է: Նա փախուստի է դիմել Գյումրու ռուսական ռազմաբազայից եւ կասկածվում է գյումրեցի մի ամբողջ ընտանիքի սպանելու մեջ:

Որոշ ռուսական լրատվամիջոցներ՝ Новости Армении-ն և Московский комсомолец-ը, Интерфакс-ը, Лента-ն և  այլն, հրապարակել են տեղեկությունը հայկական ԶԼՄ-ներին հղումով, սակայն որևէ հավելյալ տեղեկություն չեն ներկայացրել ՌԴ քաղաքացու վերաբերյալ:

Նշենք, որ, NEWS.am-ի տեղեկություններով, Վալերի Պերմյակովը 6 ամսվա ծառայող է, Գյումրիում ծառայության էր տեղափոխվել դեկտեմբերի 3-ին: Կայքի տեղեկություններով` Վալերի Պերմյակովը նախքան բանակ զորակոչվելը եղել է իրավապահների հսկողության տակ, նրա եղբայրը դատապարտված է, մարդասպանության համար պատիժ է կրում ՌԴ-ում: