Կոմիտասի թանգարանի բացումը` 2015-ի ամենասպասված միջոցառումը

2015-ի ամենասպասված միջոցառումը ՀՀ մշակույթի նախարար Հասմիկ Պողոսյանի համար Կոմիտասի թանգարանի բացումն է: Լրագրողների հետ հանդիպման ժամանակ նախարարը հայտնեց, որ թանգարանի շինարարական աշխատանքներն արդեն ավարտվել են:

«Հիմա մշակվում է մշտական ցուցադրության պլանը: 2015-ի սկզբին կտոնենք թանգարանի բացումը: Ի դեպ, թանգարանն ամբողջությամբ հարմարեցված է տեղաշարժման խնդիրներ ունեցող անձանց համար` նրանց ազատ մուտքը թանգարան ապահովելու համար»,-ասաց Պողոսյանը:

Նա նշեց նաև, որ ընթացքի մեջ են Մարտիրոս Սարյանի տուն-թանգարանի վերանորոգման աշխատանքները: Նախատեսված է, որ 2015-ին այն նույնպես իր դռները կբացի այցելուների առջև: «Ավարտվել են թանգարանի գիտական հատվածի վերանորոգման աշխատանքները, այժմ աշխատանքներ են տարվում` հուշային մասի վերանորոգման հետ կապված»,- հայտնեց նախարարը: