Կյանքի միջին տևողությունը Հայաստանում աճել է

Կյանքի միջին տևողությունը Հայաստանում աճել է` հասնելով 74 տարեկանի, ընդ որում` կանանց կյանքի միջին տևողությունը կազմում է 77, իսկ տղամարդկանցը՝ 71.5 տարի: Այս մասին լրագրողների հետ հանդիպման ժամանակ ասաց ՀՀ առողջապահության նախարար Արմեն Մուրադյանը:

Նա նշեց նաև, որ Հայաստանը կյանքի միջին տևողությամբ ԱՊՀ երկրների շարքում առաջիններից է:

«Վերջին տարիներին մանկական և մայրական մահացության ցուցանիշները նվազել են: Նվազել է նաև ինֆեկցիոն հիվանդություններից մահացությունների դեպքերը` հասնելով 1 տոկոսի»,- ասաց Մուրադյանը:

Ըստ նախարարի` եթե այսպես շարունակվի` Հայաստանն այս իմաստով ցածր ռիսկի գոտի կմտնի: