Թուրքիայում քաղցկեղածին կոշիկները դեռ չեն ոչնչացվել

Թուրքիայի մաքսային և առևտրի նախարարությունը քաղցկեղածին կոշիկների մասին նոր հայտարարությամբ է հանդես եկել:

Ըստ Hurriyet-ի՝ նախարարությունը հայտնել է, որ չի թույլատրվում տարբեր պահեստներում պահվող, քիմիական նյութեր պարունակող 19 հազար 460 զույգ քաղցկեղածին կոշիկների շուկա հանելը:

Նշվում է, որ հարցաքննություն է սկսվել` Էրենքոյ շրջանի մաքսային տնօրինությանը կից պահեստում հայտնաբերված քաղցկեղածին կոշիկների ոչնչացման ուղղությամբ աշխատանքներ սկսելու համար:

Նախարարությունը խոստացել է «քաղցկեղածին կոշիկներն ամենակարճ ժամկետում ոչնչացնել», սակայն նման խոստում տրվել էր նաեւ մեկ շաբաթ առաջ:

Հիշեցնենք, որ քաղցկեղածին կոշիկների պատճառով  մեծ աղմուկ էր բարձրացել այն բանից հետո, երբ մաքսային և առևտրի նախարար Նուրեթթին Ջանիկլին հաստատել էր շրջանառվող տեղեկությունները, թե «շուկա են ներկրվել թունավոր կոշիկներ» (քաղցկեղածին), որոնք, ըստ նախարարի, բերվել են Չինաստանից:

Նշենք նաև, որ քաղցկեղածին կոշիկներից տուժողներ են եղել: