ՖԻՖԱ-ն հրապարակել է «Ոսկե գնդակի» 3 թեկնածուների անունները

ՖԻՖԱ-ն հրապարակել է այն 3 ֆուտբոլիստների անունները, ովքեր հավակնում են 2014-ի աշխարհի լավագույն ֆուտբոլիստի կոչմանը:  «Ոսկե գնդակ» մրցանակի  թեկնածուներն են` Մադրիդի «Ռեալ»-ի պորտուգալացի հարձակվող  Կրիշտիանու Ռոնալդուն, «Բարսելոնա»-ի արգենտինացի հարձակվող  Լիոնել Մեսսին և Գերմանիայի ազգային հավաքականի ու «Բավարիա»-ի դարպասապահ Մանուել Նոյերը:

Լավագույն մարզչի թեկնածուներն են` իտալացի Կառլո Անչելոտին («Ռեալ Մադրիդ»), Գերմանիայի հավաքականի գերմանացի մարզիչ Յոախիմ Լյովը  և «Ատլետիկո Մարդիդ»-ի արգենտինացի մարզիչ Դիեգո Սիմիոնեն:

 Հիշեցնենք, որ 2014թ.-ի լավագույն մարզչի ու ֆուտբոլիստի անունները հայտնի կդառնան գալիք տարվա հունվարի 12-ին: