Վարդան Ղուկասյանի եղբոր որդու պաշտպանի բողոքը մերժվեց

Գյումրիի «հակամարտության» գործով ամբաստանյալ, Գյումրիի նախկին քաղաքապետի եղբորորդի Վահե Ղուկասյանի պաշտպան Հայկ Ալումյանի վերաքննիչ բողոքն այսօր մերժվեց.  հայտնում է «Փաստինֆո»-ն:

«Վերաքննիչ քրեական դատարանն օրինական ուժի մեջ թողեց Շիրակի մարզի ընդհանուր իրավասության դատարանի՝ հուլիսի 22-ի դատավճիռը, որով Վահե Ղուկասյանը մեղավոր էր ճանաչվել ՀՀ քրեական օրենսգրքի 104-րդ հոդվածի 1-ին մասով՝ սպանություն, 34-104-րդ հոդվածի 2-րդ մասի 6-րդ կետով՝ շատերի կյանքի համար վտանգավոր եղանակով սպանության փորձ, և ՀՀ քրեական օրենսգրքի 235-րդ հոդվածի 1-ին մասով՝ ապօրինի զենք կրելը, և դատապարտվել 17 տարվա ազատազրկման: Գործը վերաքննիչ դատարանում քննվում էր ամբաստանյալի պաշտպան Հայկ Ալումյանի բողոքի հիման վրա:

Պաշտպանը միջնորդում էր Վահե Ղուկասյանին առաջադրված մեղադրանքի երեք հոդվածներից երկուսում՝ ՀՀ քրեական օրենսգրքի 104-րդ հոդվածի 1-ին մասով և 34-104-րդ հոդվածի 2-րդ մասի 6-րդ կետով նրան ճանաչել անմեղ, իսկ ՀՀ քրեական օրենսգրքի 235-րդ հոդվածի 1-ին մասով՝ նշանակել առավել մեղմ պատիժ»,- գրում է կայքը:

Մանրամասն՝ սկզբնաղբյուրում: