Ադրբեջանն ու Իրանը համատեղ կարող են ավտոմեքենաներ արտադրել

Ադրբեջանն ու Իրանը համատեղ կարող են ավտոմեքենաներ արտադրել: Այդ մասին ադրբեջանական Trend-ին ասել է Բաքվում գտնվող` Իրանի արդյունաբերության խորհրդարանական հանձնաժողովի անդամ Ալի Ալիլուն:

Նրա խոսքերով՝ մեքենաշինական գործարանը կարող է լինել ինչպես Բաքվում, այնպես էլ Թավրիզում:

Ալիլուն նշել է, որ մեքենա արտադրող ընկերությունների միջև հարաբերությունների զարգացման համար որոշակի աշխատանք է պետք:

«Համատեղ արտադրված մեքենաների որակը պետք է համապատասխանի համաշխարհային չափանիշներին, ավտոմեքենաները պետք է մրցունակ լինեն եվրոպական արտադրողների մեքենաների հետ», - ասել է իրանցի պաշտոնյան՝ հավելելով, որ Ադրբեջանն ու Իրանն ունեն նման մեքենաներ արտադրելու պոտենցիալ: